فيزا ؟ سياحه ؟ هجره ؟ ..... السفر للعالم يبداء من هنا

السفر .. و حاليا و من زمان عموما فى ناس كل همها تسافر مش فسحه تسافر حياه جديده
فى طرق كتير جدا و اماكن كتير بس فى كام حاجه لازم نوضحها
-اولا- #السهوله
كل الناس بتستفسر عن اسهل طريقه و حتى لما نبعت بيكسلوا يقروا الى مكتوب و يفتحوا اللينكات
( يا جماعه مفيش حاجه اسمها سفر سهل الى عايز يسافر يعمل حسابه قدامه كذا شهر تعب بالراحه ... لو كان السفر بسهوله واحد اتنين تلاته مكنتش هتلاقى حد لسه قاعد مسافرش )
- ثانيا- #امريكا_اوروبا_بس
الناس كلها عايزه اسهل طريقه لاربع وجهات (اوروبا , كندا , امريكا , استراليا ) و كأن العالم مفيهوش مناطق حضريه غيرهم و دا فكره مبنيه على انه دول اغنى مناطق و باقى العالم افقر , اوكيه تمام بس باقى العالم افقر منهم ( مش مننا ) فى بلاد كتير ووجهات كتير الحياه فيها احسن بكتير من هنا بس اققل من اوروبا و امريكا بشويه
( الشعب كله واقف عند سفارات الاربع وجهات دول فاغلب الناس بتترفض دا منطقى )

-ثالثا- #الفلوس
زى ما هو مفيش سفر سهل ... مفيش سفر ببلاش ....
( الا اذا كنت عبقرى فى مجالك و مفيش زيك فى ال90 مليون مصرى )
اى حد عايز يسافر للاقامه فى الخارج لازم يكون مجهز مبلغ محترم بالعملات الصعبه + مبلغ ضخم بالجنيه المصرى و حساب بنكى كبير و بقالو اكتر من 6 شهور
* ياريت الناس تخف اسئله طب شوفلى سفريه ارخص عشان والله انا مش الكاشير بتاع المطار *
- رابعا _ ( و دا مهم جدا ) #الناس_الى_متحبلكش_الخير
خلو بالكو من تلاته
( النصابين ) ---------------------------
بتوع السفر الى بيقولو هات فلوس و نسهلك الاجرائات و نضمنلك الفيزا و كل الكلام دا نصب برا معندهمش شغل الحبايب زى المصالح الحكوميه هنا ... فى نظام و فى قوانين و كل حاجه متراقبه الموظف مينفعش يجيى لصالح حدد عشان معرفه او رشوه
*اى حد على باب سفاره نصاب
*اى حد عايز فلوس بدون سند نصاب
*اى حد ياخد فلوس مقدما غالبا نصاب
الرجاء تركزوا و مترموش فلوسكوا
( الناس الحقوده ) ------------------------
و دول مجموعه من المصريين الى برا مصر و على طول يشتموا فى الغربه لانها وحشه و فقر و قرف .... و اى حد يعوز يسافر يحبطوه و يصعبوا الدنيا فى وشه
* ****طب لما هى غربه وحشه مبترجعوش ليه ؟؟؟؟؟ بيعملو نفسهم من بنها
*عندهم اقتناع انه المصرى لو جه نفس بلدهم هياكل رزقهم
* مبيحبوش الخير لغيرهم
و الناس دى احب اققولها ( المطار مبيقفلش ) لو مش عاجبك الغربه تعالى مصر
( الجهله)-------------------------------
تلاقى مثلا واحد يقولك اوعى تروح روسيا و لا اوعى تروح جورجيا بلاد فقيره و مش هتلاقى تشتغل او اوعى تروح امريكا الجنوبيه عندهم مجاعه
* دا بيبقى انسان نصف متعلم بيسمع كلمتين و يرددهم و هو عمره ما خرج برا مصر وتلاقى ابعد مكان راحه كان اسوان
* و تعقيبا .. مش معنى انه بلد مش بتطلب عماله اجنبيه يبقى انت ملكش شغل ممكن تبقى مترجم او مرشد سياحى او طبيب محترف او عندك خبره فى مجال صناعى او تاجر شاطر .... تثبت مكانك هناك ...انما متبقاش معاكش لاخبره ولا شهاده ولا حرفه ولا لغه و تطلع تقول البلد الفلانيه مفيهاش شغل

- خامسا-#نصائح_مهمه
(1) جواز سفر فيه مهنه مش طالب او حاصل على دا لو عايز تسافر
(2) حساب فى البنك مهم جدا يكون عندك و عليه سحب و ايداع كتير خلى معارفك يحطوا فلوس و يسحبوها المهم تكبر الارقام
(3) اللغه مهمه جدا فى ناس مبتعرفش تقرا موقع انترنت انجليزى و عايزه حد يترجملها متطلبات الفيزا ... ازاى ؟ اومال هتعمل ايه فى الانترفيو ؟؟
(4) احترس من كلام الناس المحبط .. و النصابين و الناس الحقوده

ربنا يوفقكم لو فى اى استفسارات راسلونى او اسألو الادمن فى الجروب
دى لينكات سريعه
(لينك وظائف بمنظمه الامم المتحده طالبين محاسبيين مصريين و كام وظيفه شرط الانجليزى)
https://mytravelsupport.blogspot.com.eg/…/…/blog-post_7.html

تجربتى فى الامارات
https://www.facebook.com/groups/Arab.around.world/552929981575205/?ref=notif&notif_t=like&notif_id=1478288239176637

مصادر دراسه لفه للسفر و الهجره + الشهادات الرئيسيه تويفل و ايلتس
https://mytravelsupport.blogspot.com.eg/p/blog-page_29.html