نيوزلاندا
1- جواز سفر ساري
2- عدد 2 صورة شخصيه حديثه
3- كشف حساب بنكي
4- سجل تجاري وبطاقه ضريبيه لاصحاب الاعمال
او خطاب من جهه العمل للموظفين
او شهاده قيد من الجامعه للطلبه
5- وثيقه تأمين
6- حجز فندق وحجز طيران
7- نموذج السفاره
مده الحصول عالتأشيرة من 15 يوم – 20 يوم ،، لا يتم اجراء مقابله شخصيه
#الهجرة_الى_نيوزلندا
البوست الاول في سلسلة بوستات #نيوزلندا
خطوات الهجرة لنيوزيلندا بالتفصيل - منقول من أ.ريم العربي مع بعض الإضافات
1- التأكد من وجود الوظيفة في هذه القائمة:
http://skillshortages.immigration.govt.nz/…/long-term-skill…
يراعى انها بتتغير كل سنة - ممكن حاجات تتشال او تزيد... وتقريبا في شهر أبريل من كل عام لازم الوظيفة تتطابق مع المؤهل المكتوب في القائمة بجانبها (وده أحد أهم عيوب قوانين نيوزيلندا في الهجرة)
2- نحسب النقط من هنا:
https://www.immigration.govt.nz/pointsindicator/
الأسرع اننا نجمع 140 نقطة بيتسحب على طول في سحب كل اسبوعين
أما لو أقل لغاية 100نقطة ممكن نقدم بس ممكن مابيتسحبش على طول وبيستنى دوره
3- مرحلة الأوراق:
ملاحظات عامة:
• يرجى التحقق ومراعاة من البداية من أن كل الشهادات (المستخرجة أو المترجمة) باللغة الإنجليزية أن يكون الاسم فيها مطابقا للاسم باللغة الانجليزية المكتوب في الباسبور.
• ويكون معاكم: البطاقة الرقم القومي (أساسية في كل الإجراءات) - الأصلية وتكون سارية المفعول وصورة من الباسبور لكتابة الاسم بالانجليزي مثله (أساسي في كل الإجراءات) - ياريت من البداية تعملوا كل الباسبورات حتى لو طفل عنده يوم وتجددوه لو مثلا قرب يخلص.
• تتصوروا صور شخصية بخلفية بيضاء ويكون معاكم مثلا ٢٠ واحدة ماتفارقكمش.
• تعملوا كل مشاويركم بدري جدا صباحا لان معظم الهيئات بيمشوا 12 ظهرا وساعات الخازينة بتقفل 11 صباحا! •
أي ورقة تعملوها تصوروها وتعملوا لها scan بالالوان قبل ماتودوها مكتب الترجمة.
...............................................
- البكالوريوس باللغتين العربية والإنجليزية:
من الكلية التابع لها:
ويكون معاكم: البطاقة الرقم القومي (أساسية في كل الإجراءات) - الأصلية وتكون سارية المفعول وصورة من الباسبور لكتابة الاسم بالانجليزي مثله (أساسي في كل الإجراءات) وصور شخصية بخلفية بيضاء
وبنستخرج: ١- شهادة بكالوريوس ٢- وشهادة بالمواد الدراسية في كل سنة والدرجات
(ممكن نطلعهم عربي ونترجمهم هم والأختام في مكتب ترجمة) أو (نطلعهم من الكلية نفسها بالانجليزي ونترجم الأختام اللي بالعربي في مكتب ترجمة)
- الثانوية العامة باللغتين العربية والإنجليزية - مهما كانت سنة التخرج:
من الإدارة العامة للامتحانات - قصر العيني أقرب محطة مترو انفاق: سعد زغلول ت: 27920832 بالقرب من المركز الثقافي الفرنسي - المنيرة
من تجربتي الشخصية: استخرجت من هناك نسختين: واحدة بالانجليزي والتانية بالعربي وترجمت الأختام للانجليزي بعد كدة ف مكتب ترجمة .
ولازم يكون معايا: البطاقة (ممكن الزوج او القريب درجة اولى يستخرجها ويكون معاه اصل بطاقة مقدم الطلب) - الأصلية وتكون سارية المفعول وصورة من الباسبور عشان مايغلطوش ف الاسم بالانجليزي ويكون مطابق ليه ونكون مجهزين البيانات الاتية: سنة التخرج، اسم المدرسة اللي كنت فيها، الاسم بالكامل طبعا ، سبب استخراجها (الهجرة مثلا)
ولازم تلحقوا تروحوا بدري لان بيقفلوا 12ظهرا بالكتير وهايطلبوا حوالة بريدية وطوابع من اماكن تانية وبنروح نعملها ف ساعتها ونرجع نلحقهم بسرعة... وبنستلم بعد حوالي اسبوع ... ولا بهدلة مدارس وادارات...
- شهادات الميلاد بالإنجليزية:
بنروح للمكتب التابع لوزارة الصحة (موجود جانب وزارة الصحة في شارع متفرق من قصر العيني بجانب مجلس الشعب) ويكون معاكم: البطاقة الرقم القومي (أساسية في كل الإجراءات) - الأصلية وتكون سارية المفعول وصورة من الباسبور لكتابة الاسم بالانجليزي مثله (أساسي في كل الإجراءات) ، وأصل أو مستخرج من شهادة الميلاد اللي بالعربي (الكمبيوتر) وتكونوا عارفين الspelling كويس بالانجليزي لاسم الام (زي باسبورها) عشان في المستقبل لو حبيت تعمل لها زيارة للبلد يكون اسمها عندك مثل اسمها ف الباسبور. وبتطلع في نفس اليوم غالبا وبترجم الأختام في مكتب ترجمة. ٤
قسيمة الزواج باللغة الإنجليزية:
بنروح وزارة العدل في وسط البلد (جنب وزارة الداخلية) ويكون معاكم: البطاقة الرقم القومي للزوجين (أساسية في كل الإجراءات) - الأصلية وتكون سارية المفعول وصورة من الباسبور لكتابة الاسم بالانجليزي مثله للزوجين (أساسي في كل الإجراءات) وصورة من شهادة الميلاد اللي بالانجليزي للزوجين (لكتابة اسم الام منها) ومستخرج من قسيمة الزواج (الكمبيوتر) وغالبا بتستلم بعد اسبوع وبعدين بنترجم الأختام في مكتب ترجمة.
شهادة الخبرة وبيان المرتب:
بيكون لهما صيغة معينة وعلى ورق الشركة وبيانات الشركة واضحة عليها مع الختم:
والأفضل من بيان المرتب اللي من الشركة هو شهادة من البنك لو المرتب كان بيتحول عليه
وسوف أرفق نموذج لهما لاحقا
لو الرخصة متجددة:
ممكن نترجمها بالمرة (يسمح باستخدامها في نيوزلندا لمدة سنة) وبعد كدة لازم الرخصة النيوزلندية
ياريت من البداية كدة عمل إيميل e-mail جديد يكون مخصص لكل أمور الهجرة عشان الحاجات ماتتلخبطش مع بعض.
بعد مالقينا الوظيفة وحسبنا النقط وعملنا الورق:
4- يتم معادلة الشهادة للمقدم الرئيسي والشريك لو محتاجين نقطه:
http://www.nzqa.govt.nz/
وبنبعت لهم بالبريد في ظرف:
أصل شهادة التخرج من الكلية - الإنجليزية Original university certificate
أصل شهادة التخرج اللي فيها بيان الدرجات والمواد للسنين كلها - الإنجليزية Transcripts
أصل شهادة الثانوية العامة - الإنجليزية
نسخة طبق الأصل من الباسبور (بنعملها من السفارة النيوزلندية في مصر) - Certified copy of your passport
والمعادلة بتتكلف: 746 دولار نيوزيلندي
لو عايزين يرجعوا لكم لكم الاصول بعد التقييم بنضيف: 41 دولارنيوزيلندي
وبتاخد مدة حوالي 35 يوم عمل وممكن الـ Fast track بيكون 20 يوم أو أقل وبنزود حوالي 444دولار نيوزيلندي
ولو الشريك هايعادل شهادته هايدفع نفس التكاليف ويبعت نفس الأوراق بس في ظرف منفصل طبعا.
وممكن الظرفين بعد كدة يتحطوا في ظرف واحد اكبر ويتبعت بالبريد السريع.
التكاليف:
http://www.nzqa.govt.nz/…/international-qualification-asse…/
5- متطلبات اللغة الإنجليزية للمقدم الرئيسي والشريك لو محتاجين نقطه:
يجب أن يكون المجموع العام 6.5
http://onlineservices.immigration.govt.nz/opsmanu…/index.htm
ممكن نجيب شهادة من المدرسة أو الكلية إن الدراسة كانت باللغة الإنجليزية أو من العمل إن التعامل كان باللغة الإنجليزية
لكن ممكن الـCase officer يطلب بردو شهادة الـIELTS بعد الـInterview.
#هجرة_نيوزلندا
بوست رقم ( 2 )
هجرة نيوزلندا 2017 ( النظام الجديد من يوم 28 اغسطس الشهر الجاري ) للعمالة الماهرة والمستثمرين
البوست ده احاول الم الدنيا فيه ونرتب كل الروابط اللي هتحتاجها
1- لينك حساب النقاط المؤهلة للهجرة ( علي اليسار من الصفحه كل شيئ ممكن تسال عنه لغه – وظيفة – استثمار - الخ ) والمطلوب 160 نقطة
https://www.immigration.govt.nz/…/points-indicator-smc-28aug
2- لينك قوائم العمل ( الوظائف المطلوبة ) عباره عن 3 قوائم وقدام كل وظيفة المعلومات الخاص بالمستوي التعليمي ونقاط الباونص
http://skillshortages.immigration.govt.nz/?fref=gc
3- لينك انواع الاختبارات المطلوبة للغة والدرجة المطلوبة لكل فئه ... المتقدم الرئيسي – الشريك والابناء فوق 16 سنة - المستثمرين ( للاسف مش واضح فيه امكانية قبول شهادة لغة من الكلية زي النظام القديم )
https://www.immigration.govt.nz/…/forms-and-gu…/inz1060.pdf…
4- لينك التقييم والمعادلات
الاول
https://www.immigration.govt.nz/…/tools/occupational-regist…
الثاني
http://www.nzqa.govt.nz/quali…/international-qualifications/
5- الموقع العام لهجرة نيوزلندا
https://www.immigration.govt.nz/new-zealand-visas
6- مرفق جدول يوضح خطوات التقديم وتكلفة كل خطوة للنظام القديم ومظنش هيكون في تغير كبير للنظام الجديد
انا عاوز حضراتكم تعرفوا انا مش خبير ولاحاجه انا زيكم كنت بحلم بالهجره وتابعت منتديات ومواقع وفهمت الدنيا شويه والحمد لله ربنا وفقني بالهجرة لامريكا واتمني الكل يحقق احلامة.
في زملاء هنا اكيد فاهمين الموضوع اكتر مني اوعي تبخل بمعلومه عن اي حد وصدقني زي ماهتساعد الناس ربنا برضه هيوفقك ويحقق احلامك.
انتظروا بوست رقم ( 3 ) مابعد التقديم والتعامل مع الكيس اوفيسر
ليست هناك تعليقات:
إرسال تعليق